Grekııadaǵy orman órtinen qaza bolǵandar sany 26 adamǵa jetti
AFINY. QazAqparat – Grekııanyń soltústik-shyǵysyndaǵy Dadııa ulttyq saıabaǵynda orman órtinen keıin 26 adamnyń máıiti tabyldy, dep habarlaıdy QazAqparat Euronews-ke silteme jasap.
Sırek kezdesetin qustardyń uıa salatyn jeri retinde belgili qoryq arqyly zańsyz mıgranttardyń baǵyty ótedi.
Orman órtiniń ekinshi tolqynynyń taǵy bir qurbany Beotııadaǵy qart shopan boldy.
«Órt sóndirýshiler Aleksandrýpolıstegi Avant aýdanynda lashyq janynan 18 adamnyń denesin tapty. Jaqyn mańdaǵy aýdandardan turǵyndardyń joǵalyp ketýi týraly eshqandaı málimdeme túspegenin eskergende, bul elge zańsyz kirgen adamdar. Kesheden beri búkil aýdan boıynsha evakýatsııalaý týraly 112 habarlama jiberildi», - dep málimdedi Grekııanyń órt sóndirý departamentiniń ókili ıAnnıs Artopıos.
Seısenbide grek órt sóndirý bólimi Afıny qalasynyń soltústigindegi myńdaǵan turǵyndardy evakýatsııalaýǵa buıryq berdi. Ano Lıosııada 25 myńǵa jýyq adam turady. Jergilikti bılik kórshiles Fılı aýdanynda úıler órtengen soń adamdardy qaýipti jerge shyǵarýǵa sheshim qabyldady.
Grekııanyń soltústik-shyǵysyndaǵy Evııa men Kıfnos araldary, sondaı-aq Afınydyń soltústigindegi Boeotııa jalynǵa oranǵan. Peloponnes pen eldiń batysy da órtenip jatyr.
Demalys kúnderi elde ondaǵan órt shyǵyp, myńdaǵan turǵyn evakýatsııalandy. Órt eń qatty taralǵan aımaq eldiń soltústik-shyǵysyndaǵy Aleksandrýpolıs portynyń janynda, Túrkııa shekarasyna jaqyn jerde ornalasqan. Ondaǵy jalyn birneshe kúnnen beri órship keledi. Qala mańyndaǵy 13 eldi mekenniń turǵyndary evakýatsııalandy.
Buǵan deıin Grekııa bıligi ádetten tys joǵary aýa temperatýrasy men qatty jel órt sanyn kóbeıtýi múmkin dep málimdegen.
