Grekııadaǵy oń ózgeristerge oraı munaıdyń baǵasy edáýir artty
TANA. 28 qyrkúıek. QazAqparat - Grekııadaǵy úmit kúttirer oqıǵalardyń áserimen 27 qyrkúıektegi saýda qorytyndysymen munaıdyń álemdik baǵalary edáýir kóterildi, dep habarlady RBK.
Aıtalyq, Nıý-Iorktegi taýar bırjasynda WTI (Light Sweet) munaıynyń resmı baǵasy 27 qyrkúıekte 4,21 dollarǵa ósip, barreli 84,45 dollardy qurady.
Londonnyń elektrondy taýar bırjasynda Brent munaıynyń resmı baǵasy 3,20 dollarǵa artyp, barreli 107,14 dollarǵa jetti.
Esterińizge sala keteıik, 27 qyrkúıekte Berlınde Germanııa kantsleri A.Merkel men grek úkimetiniń basshysy I.Papandreýdiń kezdesýi bolyp ótti. Osy ekijaqty sammıtte A.Merkel Germanııa Grekııaǵa kez kelgen qajetti kómek kórsetetinin málimdedi.
Budan basqa, seısenbi kúni Grekııa parlamenti jyljymaıtyn múlikke salyq salýdy engizýge qatysty eldiń salyq zańnamasyna túzetýlerdi maquldady. El ókimeti salyqty engizý arqyly jyl saıyn bıýdjetti turaqtandyrý qazynasyna 2 mlrd. dollarǵa jýyq qarjy quıylady dep eseptep otyr.
