Grekııadaǵy kýrorttyq qalashyqty alapat órt sharpydy
PELOPONNES. QazAqparat – Grekııada Shınos, Vamvakes, Agıa Sotıra, Mavrolımnı, Mazı jáne Paraskevas atty alty eldi meken men eki monastyrdyń turǵyndary sársenbi kúni túnde Grekııanyń Peloponnes aımaǵynyń soltústigindegi kýrorttyq qalalardyń biriniń ormanynda bastalǵan alapat órtten evakýatsııalandy, dep habarlaıdy QazAqparat Kathimerini-ge silteme jasap.
Birneshe úı otqa orandy. Órtengen úılerdiń naqty sany kórsetilmegen.
Jergilikti bıliktiń habarlaýynsha, jalyn 10 shaqyrymnan astam aýmaqty sharpydy. Beısenbi kúni tańerteń órtten paıda bolǵan tútin Afınyǵa jetti. Polıtsııa Magaron-Alepohorı baǵytyndaǵy joldy jaýyp tastady.
Tilsiz jaýmen 182-ge jýyq maman arpalysyp jatyr. 62 órt sóndirý kóligi, 17 ushaq jáne úsh tikushaq jumyldyryldy. Lýtrakı qalasynyń meri Georgos Gınıs órttiń kórshi Alepohorı teńiz kýrortyna qaraı jaıylyp bara jatqandyǵyn málim etti.
