Grekııadaǵy daǵdarys munaı baǵasyna áser etti
ANA. 16 maýsym. QazAqparat - AQSh-tyń makroekonomıkalyq kórsetkishteri men Grekııadaǵy oqıǵalar munaı baǵasyna edáýir áserin tıgizip otyr,
dep habarlady RBK agenttigi.
Atap aıqanda, 15 maýsymdaǵy saýdanyń qorytyndysy boıynsha Nıý-Iork bırjasynda Light Sweet munaıynyń baǵasy 4,56 dollarǵa arzandap, 94,81 dollar/barreldi qurasa, London bırjasynda Brent munaıynyń resmı baǵasy 3,06 dollarǵa tómendep, 117,10 dollar/barreldi shamalady.
Munaı baǵasynyń quldyraýyna AQSh-tyń makroekonomıkalyq kórsetkishteri men Grekııadaǵy jaǵdaı áser etip otyr. AQSh-tyń Federaldyq rezervtik qyzmetiniń habarlaýynsha, mamyr aıynda eldegi ónerkásiptik óndiristiń kólemi aldyńǵy aımen salystyrǵanda, 0,1 paıyzǵa ǵana ósken. Sarapshylar bul kórsetkish 0,02 paıyzǵa artady dep kútken bolatyn.
Al Grekııada halyq bıýdjetti barynsha qysqartý jónindegi úkimet sharalaryna narazylyq bildirip, buqaralyq sherýler ótkizýde. Oppozıtsııamen bolǵan kelissózden keıin Grekııa premeri Georgıos Papandreý otstavkaǵa óz erkimen ketýge ázir ekenin málim etken edi, biraq keıinnen bul málimdemeni teriske shyǵardy. Ol búgin, 16 maýsymda Úkimette kadrlyq oryn aýystyrýlar jasaý jáne jańa mınıstrler kabınetine senim bildirý týraly máseleni kótermek nıetin málim etti.
