Grekııadaǵy bosqyndar lageri otqa orandy
ASTANA. QazAqparat - Grekııanyń Lesbos aralyndaǵy bosqyndar lageri otqa orandy, dep habarlaıdy "Habar 24".
Qyzyl jalynnan jan saqtaý úshin 4 myńǵa jýyq adam jan-jaqqa qashyp shyqqan. Ázirge japa shekkender týraly eshqandaı derek joq.
Jergilikti tártip saqshylarynyń aıtýynsha, órt ádeıi qoıylǵan bolýy múmkin. Sebebi tilsiz jaý tutanardan buryn jergilikti turǵyndar bosqyndarǵa qarsy narazylyq sherýge shyǵyp, bılikten olardy kóshirýdi talap etken.
Qazir qalada qaýipsizdik sharalary kúsheıtildi.
