Grekııadaǵy iri orman órti ónerkásiptik aımaqqa zııan keltirdi
ASTANA. KAZINFORM — Gretsııanyń Salonıkı qalasynyń mańyndaǵy iri orman órti ónerkásiptik aımaqqa aıtarlyqtaı zııan keltirdi. Órt qaldyqtardy óńdeý zaýyty men toqyma fabrıkasyna tarap, al qoıý qara tútin búkil aımaqty basyp qaldy, dep habarlaıdy Anadoly.
Grekııanyń órtke qarsy qyzmetiniń málimetinshe, iri orman órti keshe keshke Oreokastro aýdanynda tutanǵan. Qazir órttiń negizgi oshaǵynyń taralýy edáýir tejelgenimen, órt sóndirýshilerdiń basty kúshi ónerkásiptik aımaqtaǵy jalyndy aýyzdyqtaýǵa jumyldyryldy.
Qyzyl jalyndy sóndirýge 160 órt sóndirýshi, 5 jaıaý bólimshe, 52 arnaıy tehnıka jáne biraz erikti tartylǵan. Tań ata jumysqa 2 amfıbııa ushaǵy men eki tikushaq qosyldy.
Bılik ókilderiniń habarlaýynsha, qaldyqtardy qaıta óńdeý zaýytynan kóterilgen qoıý qara tútin Salonık qalasynyń basym bóligin japqan. Resmı málimet boıynsha tútin 20 shaqyrymnan astam aýmaqqa taralyp, búkil qalada janǵan plastıktiń ıisi sezilip tur.
Tútinniń yqtımal ýly áserine baılanysty bılik turǵyndardy terezeni jabyq ustaýǵa, asa qajet bolmasa syrtqa shyqpaýǵa shaqyrdy. Sondaı-aq qart adamdarǵa, balalarǵa jáne tynys alý joldary syrqaty bar azamattarǵa erekshe saq bolý eskertildi.
Aıta keteıik, Ispanııadaǵy Kosta-Brava jaǵalaýynda iri orman órti 750 gektar aýmaqty sharpydy.
