Grekııadaǵy halyqaralyq týrnırde sýǵa júzýden Qazaqstan quramasy 8 medal aldy

ASTANA. KAZINFORM — Grekııa astanasy Afıny qalasynda ótken sýǵa júzýden halyqaralyq týrnırde Qazaqstan quramasy 8 medal jeńip aldy.

El quramasy qorjynyna barlyǵy 3 altyn, 3 kúmis, 2 qola tústi.

Jeńis tuǵyryna Ádilbek Mýsın (100 metr, batterflıaı), Ksenııa Ignatova (100 jáne 200 metr arqamen júzý) kótirildi. 

Sondaı-aq Ádilbek Mýsın 50 metrge batterflıaı ádisimen júzýden ekinshi oryn aldy. Taǵy eki kúmis medaldi Aıbat Myrzamuratov (100 metr, brass), Adelaıda Pchelıntseva (50 metr, brass) qorjynǵa saldy.

Al Maksım Skazobtsov (100 metr, batterflıaı) pen Aıbat Myrzamuratov (50 metr, brass) úzdik úshtikti túıindedi.

Eske salsaq, budan buryn 2025 jylǵy álem chempıonatyna qatysatyn Qazaqstan hokkeı quramasy anyqtaldy.