Grekııada jańa prezıdent saılandy

ASTANA. KAZINFORM — Grekııa parlamenti bılik basyndaǵy «Jańa demokratııa» konservatıvtik partııasynyń kandıdaty, parlamenttiń burynǵy spıkeri Konstantınos Tasýlasty prezıdent etip saılady, dep habarlaıdy Kathimerini basylymy.

Bolashaq prezıdent 160 daýys jınady. Daýys berýge parlamenttegi 300 depýtattyń 276-sy qatysty. Saılaýda jeńý úshin kandıdatqa 151 daýys jınaý qajet boldy.

Parlamenttegi 300 orynnyń 156-sy bıliktegi «Jańa demokratııa» partııasynyń depýtattaryna tıesili.

Negizgi oppozıtsııalyq ortalyq-solshyl partııanyń sotsıalıstik qozǵalysy (PASOK) qoldaıtyn kandıdat Tasos ıAnnıtsıs 34 daýys, Radıkaldy solshyl koalıtsııa — Progressıvti alıans (SIRIZA) solshyl partııasy qoldaǵan Lýka Katselı 29 daýys, al ońshyl «Nıkı» partııasynyń múshesi Kostas Kırıakýge 14 adam daýys berdi.

Inaýgýratsııa rásimi 13 naýryzda, Grekııa prezıdenti Katerına Sakellaropýlýdyń ókilettigi aıaqtalatyn kúnge josparlanǵan.

Grekııa prezıdentin halyq daýys berý arqyly emes, parlament bes jyldyq merzimge saılaıdy.

Bıylǵy jyldyń qańtarynda QR Prezıdenti Qasym-Jomart Toqaev Grekııaǵa jańa elshi taǵaıyndady. Ol qyzmetke Tımýr Sultanǵojın saılandy.