Grekııada teńiz túbinen 23 tonna qoqys shyǵaryldy
NUR-SULTAN. QazAqparat – Teńiz túbin qoqystan tazartý jumystary Búkilálemdik muhıttar kúnimen sáıkes keldi, dep habarlaıdy QazAqparat BBC News jańalyqtar qyzmetine silteme jasap.
Súńgýirler Ion teńizindegi Itaka aralynyń tóńiregindegi teńiz túbinen 23 tonnadan astam qoqys shyǵardy. Onyń ishinde jıyrmaǵa jýyq úlken eles aý bolǵan.
Dúnıejúziniń teńiz túbin tazartýmen aınalysatyn Healthy Seas uıymynyń málimetinshe, jyl saıyn shamamen 640 000 tonna balyq aýlaý quraldary joǵalyp, teńizder men muhıttarǵa laqtyrylady. Bul teńizge orny tolmas zııan keltirip, sýda keıinnen qorektik tizbekke aınalatyn mıkroplastıkterdi qaldyrady.
