Grekııada táýlik boıy Dımashtyń ánderin beretin jańa radıo ashyldy

NUR-SULTAN. QazAqparat - Grekııada Dımashtyń shyǵarmashylyǵyn nasıhattaıtyn jańa onlaın radıo ashyldy. «Dimash Greece» qazaq ónerpazynyń ánderin táýlik boıy translıatsııalaıdy. Bul týraly QazAqparat tilshisi dimashnews.com silteme jasap habarlaıdy.

Radıostantsııa álemdik ǵalamtor jelisine shilde aıynan bastap shyǵa bastady. Aptanyń 7 kúninde táýligine 24 saǵat jelide Dımash Qudaıbergenniń ánderi shyrqalady.

Súıikti ánshileriniń shyǵarmashylyǵyn óz elinde keńinen nasıhattaý úshin Grekııadaǵy Dear-lat radıo sátti ári nátejıeli sheshim bolatynyna senimdi.

«Dimash Kudaibergen Greece» fan-klýbynyń ákimshisi Lena Vork onlaın-radıo arqyly Grekııadaǵy Dımashtyń shyǵarmashylyǵyna tabynýshylardyń qataryn arttyrmaqshy. Oıyn júzege asyrý úshin ózge eldegi fan-klýbtardyń tájirıbesin meńgergen. Taldaý jasaı otyryp, óziniń radıostantsııasyn iske qosty.

Grekııadaǵy Dımashtyń fan-klýby jýyrda ǵana ózderiniń 2 jyldyǵyn atap ótti. Olar Grekııada Dımashtyń shyǵarmashylyǵyna qatysty sharalar uıymdastyryp, qazaq ulynyń ónerin nasıhattaýda belsendi ister atqaryp júr.