Grekııada surapyl daýyl tórt kemeni sýǵa batyryp jiberdi
ASTANA. QazAqparat - Beısenbi kúni Grekııada Bofort shkalasy boıynsha 10 baldyq kúshpen soqqan surapyl daýyldyń saldarynan kóterilgen tolqyn kishigirim 4 kemeni sýǵa batyryp jiberdi, dep habarlaıdy QazAqparat Grekııanyń Jaǵalaýdaǵy kúzet mekemesine silteme jasap.
Onyń málimetterine sáıkes, Kalımnos aralynyń portynda Egeı teńizine «Pıgasos» júrdek kateri, Salonık portynda kishigirim «Zoı» jáne «Vaso» kemeleri, Evbeıa aralyndaǵy Eretrııa portynyń batys aılaǵynda «Marıos» kemesi batyp ketken. Abyroı bolǵanda, apat kezinde kemelerde komandalar da, jolaýshylar da bolmaǵan.
Grek bıligi sársenbi kúni paromdarǵa afınalyq teńiz aılaqtary - Pıreıa, Rafına jáne Lavrıon porttarynan shyǵýǵa tyıym saldy.
Sondaı-aq, Rıo-Antırıo, Agııa Marına - Nea Stıra, Arkıtsa - Edıpsos, Kavala - Prınos, Volos - Sporada araldarynyń paromdyq ótkelderi jabyldy. Kemelerge búgin, beısenbide de teńizge shyǵýǵa tyıym salyndy.
