Grekııada orman órtin sóndirý kezinde eki tikushaq áýede soqtyǵysty
ASTANA. KAZINFORM — Oqıǵa Afınanyń batysyndaǵy Psata aýdanynda bolǵan. Órt sóndirý qyzmetiniń málimetinshe, ekıpaj múshelerin izdep, kómek kórsetý úshin qutqarý jasaqtary dereý jumyldyryldy, dep habarlaıdy BILD.
Jergilikti buqaralyq aqparat quraldarynyń habarlaýynsha, apat orman órtin óte kúrdeli jaǵdaıda sóndirý kezinde bolǵan. Tikushaqtardyń biriniń ekıpajy qutqarylyp, zardap shekkender aýrýhanaǵa jetkizilgen.
Qazir ekinshi tikushaq ekıpajyn izdestirý-qutqarý jumystary jalǵasyp jatyr. Olardyń jaǵdaıy týraly ázirge resmı aqparat jarııalanǵan joq. Eki tikushaq ta Elefsın áskerı áýe bazasynan ushyp shyqqan.
Bıliktiń málimetinshe, birneshe kúnnen beri jalǵasyp jatqan Grekııadaǵy orman órtteri 12 myń gektardan astam aýmaqty sharpyǵan. Tilsiz jaýmen kúreske eldiń ár óńirinde júzdegen órt sóndirýshi jumyldyrylǵan.
Aıta keteıik, elde tilsiz jaýmen arpalysqan úsh órt sóndirýshi qaza tapty.
