Grekııada narazylyq sherýi polıtsııamen qaqtyǵyspen aıaqtaldy
Temirjol qyzmetkerleriniń kásipodaqtary men túrli qoǵamdyq qozǵalystar uıymdastyrǵan aktsııaǵa qatysýshylar Larısa qalasyndaǵy jolaýshylar poıyzynyń apatyna baılanysty bılikti nemquraıdylyq tanytty dep aıyptady. Onyń júk poıyzymen soqtyǵysýy saldarynan 57 adam qaza taýyp, ondaǵan adam jaraqat aldy.
Sherýshiler el temir jolynyń keıbir ýchaskelerine avtomatty basqarý júıesin ornatpaǵan temirjol mekemesiniń basshylyǵyn da jaýapqa tartýǵa shaqyrdy.
Narazylyq bildirýshilerge polıtsııa qyzmetkerlerine shabýyl jasaǵan anarhıstik toptardyń belsendileri qosyldy.
Aktsııalar Gretsııanyń basqa da iri qalalarynda ótti.
Aktsııany uıymdastyrýshylar oqys oqıǵanyń sebepterin ádil zerttep, kinálilerdi jazalaýdy talap etti. Qaza tapqandar arasynda stýdentter de kóp. 22 adam aýrýhanada jatyr, onyń jeteýi jansaqtaý bóliminde.
Eki poıyz bir jol boıymen birneshe shaqyrym júrip ótken soń betpe-bet soqtyǵysqan. Bul apat Grekııanyń birneshe qalasynda turǵyndardyń narazylyǵyn týdyrdy.
59 jastaǵy vokzal bastyǵy qamaýǵa alynyp, oǵan «abaısyzda kisi óltirý» jáne «dene jaraqatyn keltirý» baptary boıynsha aıyp taǵyldy.
Ol Afınany eldiń soltústigindegi Salonıkımen baılanystyratyn 342 jolaýshy men on temirjol qyzmetkeri bar poıyzǵa júk poıyzymen birdeı joldy paıdalanýǵa qalaı ruqsat etilgenin túsindirýi kerek edi.
Eldiń kólik mınıstri Djorgos Gerapetrıtıs qaza bolǵandardyń otbasynan keshirim surap, «saıası júıe men memleketti tolyq synady». Burynǵy mınıstr Kostas Karamanlıs otstavkaǵa ketýge ótinish berdi.
