Grekııada memlekettik qyzmetkerler 24 saǵattyq ereýilge shyqty

ASTANA. KAZINFORM – Afınadaǵy ereýil qoǵamdyq kólik júıesin buzdy, dep jazdy Anadoly.

Grekııada jumysshylar men memlekettik qyzmetkerler úkimetten ómir súrý qunynyń ósýine qarsy shara qoldanýdy talap etip, 24 saǵattyq ereýilge shyqty.

Jumysshylar kásipodaqtary konfederatsııasynyń (GSEE) jáne Memlekettik qyzmetkerler konfederatsııasynyń (ADEDY) úndeýinen keıin ártúrli salalardaǵy qyzmetkerler jumysyn 24 saǵatqa toqtatty.

Ereýilge Grekııanyń Kommýnıstik partııasy men enshiles PAME kásipodaq uıymy da qoldaý kórsetti. Ereýil Afına men basqa da iri qalalardaǵy qoǵamdyq kólikterdiń qozǵalysyn shektep tastady.  

Temirjol men teńiz arqyly qatynas júıesi tolyǵymen toqtatylǵany habarlandy. Barlyq poıyzdar toqtatady, kemeler porttarda qaldy. Áýe qatynasy da shekteldi.

Afınada ereýilmen qatar narazylyq aktsııasy da ótti. Qala ortalyǵyna jınalǵan myńdaǵan jumysshylar men memlekettik qyzmetkerler baǵanyń sharyqtaýy men jalaqynyń tómendigine qatysty óz talaptaryn aıtyp, parlament ǵımaratyna qaraı bet aldy. 

Zeınetkerler 2009 jyly bastalǵan ekonomıkalyq daǵdarys kezinde joıylǵan 13-shi jáne 14-shi zeınetaqylardy qaıtarýdy talap etti. 

Aktsııa barysynda Palestınamen yntymaqtastyq máselesi de aıtyldy.

Izraıldiń shabýylyna narazylyq bildirgender Palestına týyn kóterip júrdi. Dál osyndaı narazylyqtar eldiń basqa da qalalarynda, sonyń ishinde Salonıkıde de ótti.

Aıta ketelik, Grekııada jańa prezıdent saılandy.