Grekııada memlekettik sektor qyzmetkerleri 24 saǵatqa ereýil jarııalady
ASTANA. Sáýirdiń 22-si. QazAqparat - Grekııada búgin memlekettik sektor qyzmetkerleriniń 24 saǵattyq jalpyulttyq ereýili bolady, bul shara úkimet tarapynan júrgizilip jatqan qatty únemdeý sharalaryna narazylyq retinde ótkeli jatyr. Bul memlekettik qyzmetkerlerdiń jyldyń basynan bergi tórtinshi ereýilderi, dep habarlaıdy ITAR-TASS agenttigi.
Esesine, grek áýe dıspetcherleri búginge jáne erteńge josparlanǵan ereýilderin keıinge qaldyryp, janartaý problemasynan birneshe kún boıy kóptegen eýropalyq elderge jete almaı otyrǵan jolaýshylardyń jaǵdaıyn odan beter ýshyqtyrǵylary kelmeıtinderin málim etýde. Búgin sodaı-aq barlyq qalalyq qoǵamdyq kólik jumys isteıtin bolady.
Al búgin bastalatyn 24 saǵattyq narazylyq aktsııasyna memlekettik qyzmetterdiń, memlekettik kásiporyndardyń, keden jáne salyq ınspektsııalarynyń qyzmetkerleri, dárigerler men mektep jáne ınstıtýt oqytýshylary qatysady.
Grekııa Kompartııasyna jaqyn «Barlyq jumysshylardyń jaýyngerlik shebi» kásipodaǵy da sársenbiden bastap 48 saǵattyq jalpyulttyq ereýil ótkizip jatyr.
