Grekııada qurylysshylar altyn toly qabir taýyp aldy
ASTANA. QazAqparat - Grekııanyń Seresa qalasynda qurylysshylar ashyq aspan astyndaǵy teatrdyń qurylys jumystary kezinde eski qabirge tap boldy. Bir qyzyǵy bul jaı mola emes, ishi altynnan jasalǵan buıymdar men tıyndar sııaqty qazynaǵa toly qabir bolyp shyqty.
Bul týraly Rosbalt jazady.
Qazirgi sátte ol jerde qurylys jumystary toqtap, arheologtar qyzý jumysqa kirisip ketti. Qazyna tabylǵan osy Nea Zıhnı aımaǵy óziniń baı arheologııalyq muralarymen tanymal eken. Buǵan deıin de bul jaqtan kóptegen qundy qazbalar tabylǵan kórinedi. Ǵalymdardyń aıtýynsha, bul joly tabylǵan qazyna jer astynda kómýli jatqan qundy zattardyń tek bir bóligi ǵana-mys.
