Grekııada kedenshiler men qarjy mınıstrliginiń qyzmetkerleri úshkúndik ereýilge shyqty

dep habarlaıdy ITAR-TASS agenttigi.

Kedenshilerdiń aıtýynsha, mınıstrler kabınetiniń jalaqyny qysqartyp, syıaqylardy azaıtý nıeti olardyń árqaısysy úshin jylyna orta eseppen 2260 eýroǵa túskeli otyr.

Aqpannyń 4-inde osyndaı narazylyq aktsııasyn ótkizgen kedenshilerdiń bul jolǵy ereýili Grekııa arqyly taýarlardyń tasymalyn úsh kúnge kidirtkeli tur. Oǵan qosa, munaı aıdaýshy kásiporyndar, kedenshilerdiń ruqsatynsyz maı quıý stansylaryna otyn jónelte almaıtyny taǵy bar. Benzın jetpeı qalady dep alańdaǵan júrgizýshiler kóptegen maı quıý stansylarynda uzynnan-uzaq kezekte tur.

Aqpannyń 19-ynda taksı ıeleri de 24 saǵattyq ereýil jarııalamaq, biraq eń úlken narazylyq aktsııasy aqpannyń 24-ine josparlanyp otyr: bul kúni jekemenshik jáne memlekettik sektorlar kásipodaqtarynyń birlesken ereýili bolady.

Al aqpannyń 10-y bolǵan memlekettik sektor qyzmetkerleriniń ereýiline grek áýe dıspetcherleri de qatysyp, Grekııa aspanynda barlyq jolaýshylar men júk ushaqtarynyń saparlary 24 saǵatqa toqtaǵan edi.