Grekııadaǵy órt: Ustalǵandardyń arasynda qazaqstandyqtar joq – QR SІM
ASTANA. KAZINFORM – Syrtqy ister mınıstrliginiń resmı ókili Aıbek Smadııarov bolǵan jaıtqa qatysty resmı málimdeme jasady.
«Qazaqstannyń konsýly bul aqparat jarııalanǵannan keıin osy iske qatysty birden Grekııa bıligine habarlasty. Polıtsııanyń málimetine sáıkes, ustalǵandar arasynda Qazaqstan azamattary joq jáne olarǵa eshqandaı da talaptar qoıylmaǵan», - degen aqparatpen bólisti Aıbek Smadııarov.
Aıta ketsek, buǵan deıin sheteldik BAQ Grekııanyń Gıdra aralynda ıahtada demalǵan qazaqstandyq týrıster órttiń shyǵýyna sebep boldy degen aqpar tarady. Aqparatta aıtylǵandaı, órt ormanǵa deıin jetken.
Eske sala keteıik, buǵan deıin birneshe grekııalyq BAQ sot qujattaryna silteme jasap, ıahtada Grekııadan ketip qalǵan 17 qazaqstandyq azamat bolǵany týraly habar taratqany týraly jazǵan bolatynbyz.
