Grekııada ereýilge shyqqan muǵalimder memlekettik telearnanyń stýdııasyn basyp aldy
ASTANA. Mamyrdyń 4-i. QazAqparat - Grekııada ereýilge shyqqan muǵalimder eldiń bilim mınıstrimen suhbat bolǵaly jatqan memlekettik telearna stýdııasyn basyp aldy, dep habarlady dúısenbi kúni keshke Afıny telearnalary.
Olardyń aqparattary boıynsha, telearna ǵımaratynda muǵalimder men polıtsııa qyzmetkerleriniń arasynda qaqtyǵys oryn alǵan, biraq bolýy múmkin zardap shegýshiler týraly ázirge aqparat joq.
Oqıǵa oryn alǵa NET memlekettik telearnasy baǵdarlamany toqtatyp, derekti fılm berýge májbúr bolǵan. Stýdııada bilim mınıstri Anna Dıamandopýlýdyń bar-joqtyǵy ázirge belgisiz.
Grekııa úkimeti mektepterde ýaqytsha kelisimshartmen jumys istep jatqan muǵalimderdi qysqartý jospary týraly málim etken bolatyn. El ókimeti Grekııanyń 300 mıllıardtyq boryshyn qaıta qarjylandyryp, defoltty boldyrmaýǵa kómekteskeli otyrǵan Eýroodaq pen Halyqaralyq valıýta qorynyń nesıelerine aıyrbas retinde qatań únemdeý sharalaryn júrgizýde.
