Grekııada energetıkter, dárigerler jáne órt sóndirýshiler ereýilge shyqty, olarǵa taksı júrgizýshiler qosylmaq
ASTANA. Naýryzdyń 18-i. QazAqparat - Grekııada memlekettik energetıkalyq korporatsııalardyń energobloktarynyń jartysynan astamy toqtap qaldy,
oǵan energetıkterdiń 48 saǵattyq ereýilge shyǵýy sebep bolyp otyr, dep habarlaıdy ITAR-TASS agenttigi.
Kompanııa qyzmetkerleri jalaqy men zeınetaqyny qysqartýǵa, sondaı-aq jumysqa jaldaýdyń toqtatylýyna narazylyq retinde eki kún qatarynan ereýilge shyqty. Memlekettik bıýdjettiń defıtsıtin eldiń jalpy ishki óniminiń 12,7 paıyzynan 8,7 paıyzyna deıin qysqartý maqsatynda mınıstrler kabıneti jarııalanǵan sharalar jumysshylardyń syıaqylary men merekelik tólemderin qysqartýdy da qarastyrady, munyń nátıjesinde memlekettik sektordyń qyzmetkerleri shamamen 1 aılyq jalaqylarynan aırylǵaly otyr.
Seısenbi kúni energetıkter Grekııanyń soltústik elordasy - Salonıkıde veerlik negizde jaryqty sóndirdi, al sársenbi kúni tańerteń Afınynyń birqatar aýdanynda da jarty saǵatqa jaryq sónip qaldy. Krıt aralyndaǵy Hanıa qalasynyń birqatar aýdandarynda da jaryq bolǵan joq.
Búkil el boıynsha dárigerlerdiń de ereýili jalǵasýda, olar patsıentterdi tek shuǵyl jaǵdaıda ǵana qabyldaýda. Aýrýhanalarda jedel emes hırýrgııalyq operatsııalar da keıinge qaldyrylyp otyr.
