Grekııada el premeriniń úıi telefon baılanysynsyz qaldy
ASTANA. Mamyrdyń 28-i. QazAqparat - Grekııada boryshkerlerdiń biriniń telefon jelisin kesip tastamaq bolǵan telekommýnıkatsııalyq kompanııanyń jumysshylary shatasyp,
el premeri Iorgos Papandreýdiń úıin telefon baılanysynsyz qaldyrdy, dep habarlady Reıter agenttigi.
OTE telekommýnıkatsııalyq kompanııasynan habarlaǵandaı, qatelik, boryshkerdiń telefon nómiriniń úkimet basshysy turatyn úıdiń nómirimen tolyq sáıkes bolýy saldarynan oryn alǵan - eki nómirdiń aıyrmashylyǵy bir ǵana san bolǵan.
Assoshıeıted Press agenttiginiń deregi boıynsha, qatelikti birden baıqamaǵan - Papandreýdiń úıindegi telefon úsh kún boıy sónip turǵan.
Grekııa qazir aýyr ekonomıkalyq daǵdarysty bastan keshirýde, úkimet memlekettik qyzmetkerlerdiń jalaqylaryn qysqartýǵa jáne salyqtardy kóterýge májbúr, sonyń saldarynan kóptegen turǵyndar shottardy tóleı almaı otyr.
Oryn alǵan problema jarııa bolǵannan keıin, telekommýnıkatsııalyq kompanııanyń basshylyǵy premer-mınıstrge jaǵdaıdyń bárin túsindirip hat jazdy. Aal tehnıkalyq mamandarǵa qatelikti dereý jóndeý týraly tapsyrma berildi.
