Grekııada demografııalyq daǵdarysqa baılanysty 721 mektep jabylady

ASTANA. Kazinform — Grekııada oqýshylar sanynyń kúrt tómendeýine baılanysty 13 478 oqý ornynyń 721-i jabylady, dep habarlady Ekathimertini eldiń Bilim mınıstrliginiń derekterine silteme jasap.

Mektepterdiń jappaı jabylýyna demografııalyq daǵdarys sebep boldy. 2025-2026 oqý jylynda bastaýysh jáne orta mektepter men kásiptik oqý oryndaryndaǵy oqýshylar sany shamamen 1,21 mıllıon adamdy qurady. Bul jeti jyl burynǵydan 150 myńǵa az – 2018-2019 jyldary 1,363 mıllıon oqýshy tirkelgen.

Bilim mınıstrligi ókilderi jaǵdaıdy «apokalıpsıs» dep ataıdy. Vedomstvonyń ókili Krıstos Sıamalos túsindirgendeı, demografııalyq másele óte aýyr jáne jyl saıyn qıyndap barady.
Eń kóp bastaýysh bilim berý mekemeleri jabylady. 2018-2019 oqý jylynda 247 bastaýysh mektep jáne 312 balabaqsha jabylsa, 2025-2026 jyldary bul sandar sáıkesinshe 324 jáne 358-ge deıin artady. Qalǵan jabylǵan mektepter – orta mektepter, negizinen joǵary synyptar.

Qoldanystaǵy zańnamaǵa sáıkes, mektepte 15-ten az oqýshy qalsa, mekteptiń qyzmeti toqtatylady – bastaýysh bilim berýde osy kórsetkish boıynsha bir muǵalim qarastyrylǵan.

Mektep úsh jyl boıy jumys istemeýi múmkin, sodan keıin ol qajetti oqýshylar sany bolmasa, oqý kartasynan tolyǵymen joıylady.

Jabylýý tek aýyldar men araldarǵa ǵana emes, iri qalalarǵa da áser etti. Afına ornalasqan Attıkanyń ózinde 77 mektep jabylady. Mektepterdiń jabylýy oqýshylardy jańa oqý oryndaryna uzaq jol júrýge májbúr etedi. Keıbir shalǵaı aýdandarda balalarǵa kúnine 80 shaqyrym jol júrýge týra keledi. 

Eske sala keteıik, Eýroodaq demografııalyq daǵdarysqa tap bolady.