Grekııada dárigerler, túrme qaraýyldary men sheneýnikter ereýilge shyqty
ASTANA. QazAqparat - Grekııada memlekettik sektordyń jumysshylary 24 saǵattyq ereýildi bastady. Olar memlekettik shyǵystardy ári qaraı qysqartý sharalaryna qarsy narazylyq bildirýde.
Ereýil aýrýhanalardyń, túrmelerdiń, memlekettik mekemelerdiń qalypty jumysyna kedergi keltirmek.
Aktsııaǵa qatysýshylar jalaqy men zeınetaqyny 40 paıyzǵa qysqartý, sondaı-aq memlekettik menshikti jekeshelendirý boıynsha aýqymdy josparǵa narazylyqtaryn bildirýde.
Osy oraıda memlekettik sektordyń qyzmetkerlerin biriktirip otyrǵan kásipodaq belsendileri Afına qalasyndaǵy ortalyq alańda jappaı mıtıng ótkizýde.
Narazylyq aktsııalary Grekııaǵa halyqaralyq kredıtorlardyń sapary merzimimen qatar kelip otyr. Olar qarjylyq daǵdarystan shyǵý úshin úkimettiń qabyldaǵan sharalarynyń júzege asyrylýy barysyn tekseretin bolady.
Budan buryn kredıtorlar tórt jyldan astam ýaqyt boıy qatań únemdeý sharalaryn júrgizgen Grekııanyń kúsh-jigerine joǵary baǵa bergen bolatyn.
