Grekııada bir aptadan beri orman órti órship tur
ASTANA. KAZINFORM – Grekııanyń Kavala qalasyndaǵy Pangeon taýynda 22 tamyzynda bastalǵan orman órti 7 kúnnen beri sóner emes. Bul týraly Ekathimerini basylymy habarlady.
Grekııanyń soltústik-shyǵysyndaǵy Pangeon taýynyń shalǵaı aımaǵyndaǵy orman órti jetinshi kún qatarynan órship turǵany atap ótildi. Basylymnyń málimetinshe, órtti sóndirýge 280 órt sóndirýshi, 46 órt sóndirý tehnıkasy, 3 tikushaq pen 3 ushaq jumyldyrylǵan. Búgingi tańda 13 myń gektarǵa jýyq orman otqa oranǵan.
Órt 22 tamyzda Avgo shyńynyń etegindegi ormandy alqapta, 1500 metrden astam bıiktikte tutanǵan.
Eýropa Odaǵynyń Copernicus Klımattyń ózgerýi jónindegi qyzmetiniń málimetteri boıynsha, órt seısenbi kúni tústen keıin 13,41 sharshy shaqyrym aýmaqty qamtydy.
Aıta keteıik, buǵan deıin Horvatııada iri orman órti baqylaýǵa alynǵanyn habarlaǵan edik.
