Grekııada Balqan eliniń ekonomıkasyna eleýli zalal keltirgen benzın tasıtyn mashına júrgizýshileriniń bir aptaǵa sozylǵan ereýili aıaqtaldy
ASTANA. Tamyzdyń 2-si. QazAqparat. - Grekııada úlken júkti avtomobıl júrgizýshileriniń kásipodaǵy jeksenbi, tamyzdyń 1-inde bir aptaǵa sozylǵan ereýildiń toqtatylýyn jaqtap daýys berdi, dep habarlaıdy Rambler aqparattar portaly BBC News agenttigine silteme jasap.
Ereýil úkimettiń júk tasymaly sektoryn yryqtandyrý jónindegi sheshimine qarsylyqtan bastalǵan bolatyn. Bul shara Grekııanyń Halyqaralyq valıýta qory men Eýroodaqtan nesıeler alý úshin jasalap otyrǵan qadam. Júk tasymaly lıtsenzııasy úshin aldyn ala birneshe myńdaǵan eýro tólep qoıǵan júrgizýshiler úkimettiń bul sheshimine birden qarsy shyqty.
Grekııadaǵy ereýilge baılanysty elge azyq-túlik taǵamdary men dári-dármek, janar-jaǵar maı jetkizilýde aıtalyqtaı úzilister men kedergiler bolyp, qarsylyq aktsııasy eldiń ekonomıkasyna eleýli qaýip tóndire bastady. Grekııa Úkimeti shildeniń 30-y kúni júrgizýshilerdiń shuǵyl túrde jumysty jandandyrýyn talap etip jarlyq shyǵardy. Úkimet qujatynda eger ereýildi toqtatpaǵan jaǵdaıda olardyń lıtsenzııasy keri alynyp, tutqyndaýǵa deıingi sharalar qoldanylatyny aıtylǵan. Biraq júrgizýshiler ony elegen de joq.
