Grekııada aýyl sharýashylyǵy qarjysyna qatysty iste 13 depýtat jaýapqa tartylmaq
ASTANA. KAZINFORM — Eýropalyq aýyl sharýashylyǵyna beriletin sýbsıdııalardy jymqyrýǵa qatysty is boıynsha Grekııa parlamenti ózderiniń 13 áriptesiniń depýtattyq ımmýnıtetin alyp tastaýǵa daýys berdi, dep habarlaıdy Euronews.
Bul jóninde prokýratýra parlamentke arnaıy ótinish joldaǵan.
Keıbir kúdikke ilingen depýtattar ımmýnıtetten óz erkimen bas tartýdy qoldap, eshqandaı zańsyz áreket jasamaǵandaryn málimdegen. Sonymen qatar olar prokýratýrany ókilettigin asyra paıdalandy dep aıyptaǵan.
Іs Eýropalyq Odaqtyń grek aýyl sharýashylyǵyn damytýǵa bólgen sýbsıdııalaryn zańsyz ıemdený kúdigine qatysty. Bul qarjy buryn jumys istegen, qazir taratylǵan memlekettik qor arqyly bólingen.
Bul janjal premer-mınıstr Kırıakos Mıtsotakıs úkimetiniń bedeline aıtarlyqtaı soqqy boldy. Birqatar mınıstr otstavkaǵa ketken.
Aıta ketelik Grekııada eń tómengi jalaqy 920 eýroǵa deıin ósetini týraly jazǵan edik.
