Grekııada aptap ystyqqa baılanysty mektepter men Akropol jabyldy
ASTANA. KAZINFORM – Grekııadaǵy rekordtyq aptap ystyqqa baılanysty mektepter men Afına Akropoli jabyldy. Bılik kásiporyndarǵa múmkindiginshe qyzmetkerlerdi qashyqtan jumysqa aýystyrýdy usynady, dep habarlaıdy Euronews.
Grekııa óziniń negizgi týrıstik oryndarynyń biri – ejelgi Akropoldi jaýyp, mektepter jumysyn toqtatty jáne búkil el boıynsha dárigerler jumyldyrdy.
Soltústik Afrıkadan ystyq aýa men shańdy tasymaldaıtyn jel saldarynan beısenbi kúni Jerorta teńizi elderiniń keı jerlerinde aýa temperatýrasy 43 gradýs bolady dep boljanyp otyr. Parfenon ǵıbadathanasy bar álemdegi eń tanymal arheologııalyq oryndardyń biri ornalasqan Akropol tóbesine kiretin jol jabylyp, Qyzyl Krest qyzmetkerleri osynda kelgen adamdarǵa bótelkelermen sý taratty.
Akropolge barýdy josparlaǵan týrıster Grekııa bıliginiń bul týraly aldyn ala habardar etpegenin aıtyp, narazylyq bildirdi.
Bul – Grekııada bıylǵy qalyptan tys ystyqtyń birinshi tolqyny. Buryn mundaı tolqyndar jazdyń ortasynda bolatyn jáne aptap ystyq 15 maýsymnan erte bastalǵan emes.
