Grekııada 12-15 jas aralyǵyndaǵy balalardy vaktsınalaý josparlanyp otyr
AFINY. QazAqparat – Grekııada aýrý juqtyrýdyń jańa jaǵdaılarynyń sanyn azaıtý maqsatynda 12-15 jas aralyǵyndaǵy jasóspirimderge Pfizer/BioNTech jáne Moderna vaktsınalaryn egý josparlanyp otyr, dep habarlaıdy QazAqparat Reuters agenttigine silteme jasaı otyryp.
Grekııanyń vaktsınatsııa jónindegi komıtet basshysy Marııa Teodorıdýdyń aıtýynsha, jasóspirimder arasyndaǵy vaktsınatsııa jastardyń osal tobyn tıimdi qorǵaýǵa, sondaı-aq qyrkúıek aıynyń basyna deıin olardyń mektepterge tezirek oralýyna yqpal etedi.
11 mıllıonǵa jýyq halqy bar Grekııada vaktsınanyń birinshi komponentiniń 10,2 mıllıonnan astam dozasy salyndy. Halyqtyń shamamen 46,8%-y tolyq vaktsınalanǵan.
Grek úkimeti kúzge qaraı eldegi vaktsınatsııa deńgeıin 70% -ǵa paıyzǵa jetkizýdi josparlap otyr.
Ótken táýlikte elde koronavırýs juqtyrýdyń 2070 jańa jaǵdaıy jáne 5 ólim jaǵdaıy tirkelgen. Grekııadaǵy aýrýǵa shaldyqqandardyń jalpy sany – 477 975 adam. Pandemııa bastalǵaly elde 12903 adam kóz jumǵan.
