Grekııa jaǵalaýynda bortynda mıgranttar bolǵan keme sýǵa batyp ketti
ASTANA. QazAqparat - Egeı teńiziniń Grekııa jaǵalaýynda mıgranttar mingen keme sýǵa batyp ketken, saldarynan kem degende 11 adam qaza tapty, olardyń kóbi - balalar. Bul týraly beısenbi kúni The Associated Press agenttigine siltememen TASS habarlaıdy.
Onyń aqparatynsha, oqıǵa Samos aralynyń jaǵalaýynda oryn alǵan. Qaza tapqandardyń arasynda jeti bala bolǵan. Mert bolǵandardyń deneleri sýdan shyǵaryldy, delingen habarlamada. 10 adamdy qutqaryp qalý múmkin boldy. Qutqarý is-qımyldaryna Grekııa jaǵalaýdaǵy kúzetii jáne Frontex eýropalyq shekara agenttiginiń qyzmetkerleri qatysqan.
Ótken juma, 22 qańtar kúni Grekııa men Túrkııa jaǵalaýynda mıgranttar mingen úsh keme sýǵa batqan, saldarynan 44 adam qaza tapty, olardyń arasynda 20-sy - balalar.
Halyqaralyq kóshi-qon uıymnyń málimetterinshe, jyl basynan beri Eýropaǵa Jerorta teńizi arqyly 704 myńnan astam mıgrant kelgen. Bosqyndardyń eń kóp sanyn Grekııa qabyldaǵan - 560 myń adam, Italııaǵa 139,5 myń adam kelgen. Bul rette jyl basynan beri 3,2 myńnan astam adam Eýropaǵa barar jolda teńizde qaza tapqan.
