Grekııa jaǵalaýynda mıgranttar mingen qaıyq apatqa ushyrady

ASTANA. KAZINFORM —  Grekııa jaǵalaýynda mıgranttar mingen qaıyqtyń apatqa ushyraýy saldarynan adamdar qaza tapty, dep habarlaıdy Sınhýa.

Grekııanyń Krıt aralynyń ońtústik jaǵalaýynda sýǵa ketken mıgranttar mingen kemeniń apatqa ushyraýy saldarynan keminde 18 adam qaza tapty.

Qaıǵyly oqıǵa araldyń ońtústigindegi jaǵalaýda ornalasqan Ierapetra eldi mekeninen shamamen 48 shaqyrym ońtústikte bolǵan.

Grekııanyń jaǵalaý kúzetiniń málimetinshe, qutqarý jumystary barysynda ázirge sýdan 18 adamnyń máıiti shyǵaryldy. Sondaı-aq eki adam tiri tabylǵan.

Qazir apat bolǵan aýmaqta patrýldik kemeler izdeý jumystaryn jalǵastyryp, teńizden máıitterdi shyǵaryp jatyr. Oqıǵanyń naqty sebebi ázirge anyqtalǵan joq, Grekııa jaǵalaý kúzeti tergeý jumystaryn bastady.

Aıta ketelik Tramp mıgranttarǵa qatysty erejeni kúsheıtti.