Grekııa úkimeti 6 shildege deıin bankterdi jabatyny týraly resmı habarlady
ASTANA. QazAqparat - Grekııa Úkimeti 6 shildege deıin eldegi bankterdiń jumysyn toqtata turatynyn, ár bankte adamnyń bir esepshotynan qolma-qol aqsha alýǵa kúnine 60 eýro kóleminde kúndelikti lımıt engizetinin habarlady, delingen dúısenbi kúni resmı úkimettik gazette jarııalanǵan qaýlyda, dep málimdedi RIA Novostı.
«Bankterdiń jumysyn toqtata turý» qaýlysynda 28 maýsym men 6 shilde aralyǵy merziminde qarjy uıymdaryna qatysty qoldanatyn sharalar jiktelgen. Jarııalanymǵa Grekııa Prezıdenti Prokopıs Pavlopýlos pen eldiń premer-mınıstri Aleksıs Tsıpras qol qoıǵan, dep habarlady Frans Press agenttigi.
Grekııa bul qadamǵa «Eýrotoptyń 27 maýsymdaǵy Grekııaǵa qoldaý baǵdarlamasyn uzartýdan bas tartý sheshimin qabyldaǵannan keıin ótimdiliktiń jetispeýi saldarynan Grekııa qarjy júıesi men onyń ekonomıkasyn tótenshe shuǵyl qorǵaý qajettiginen» bardy.
Grekııada 5 shildede halyqaralyq kredıtorlarmen kelisim boıynsha referendým ótedi. Referendýmǵa 2015 jylǵy 25 maýsymda Eýropalyq komıssııa, Eýropalyq ortalyq bank, Eýrotoptaǵy Halyqaralyq valıýta qory usynǵan kelisim jobasyna qatysty máseleler engiziledi.
