Grekııa Prezıdenti Qazaqstanmen yntymaqtastyqty jalǵastyratynyna senimdiligin bildirdi

ASTANA. QazAqparat - Grekııa Respýblıkasynyń Prezıdenti Prokopıs Pavlopýlos Memleket basshysy Nursultan Nazarbaevty QR Prezıdenti bolyp saılanýyna baılanysty quttyqtady, dep habarlaıdy Aqordanyń baspasóz qyzmeti.

Óz quttyqtaýynda P.Pavlopýlos Qazaqstan men Grekııa arasyndaǵy berik ári dostyq qatynastar myqty negizge, eki eldiń birlesken kún tártibindegi máselelerdi ortaq kúsh-jiger ǵana tabysty sheshe alady degen senimge súıenetinin atap ótken.

«Bizdiń memleketterimiz eki respýblıka halyqtarynyń ıgiligi jolyndaǵy saıası jáne ekonomıkalyq baılanystardy keńeıtý maqsatyndaǵy birlesken jumys pen yntymaqtastyqty jalǵastyratynyna senimdimin», - delingen jedelhatta.

Grekııa Prezıdenti Nursultan Nazarbaevqa myqty densaýlyq, al Qazaqstan halqyna baqýattylyq pen baq-bereke tiledi.