Grekııa polıtsııasy jappaı narazylyq sherýlerine daıyndalyp jatyr
ASTANA. 7 qyrkúıek. QazAqparat - Grekııanyń ekonomıkalyq jaǵdaıy týraly Premer-mınıstrdiń jyl saıynǵy baıandamasy kezinde Salonıkıde tórt myń polıtsııa qyzmetkeri sholǵyndaıdy. Bul týraly VVS habarlady.
Kásipodaqtar senbide memlekettik qyzmetkerlerdi jappaı jumystan bosatýǵa qarsy aýqymdy narazylyq sherýlerin josparlap otyrǵan kórinedi.
2008 jyldan beri Grekııanyń ekonomıkasy 23 paıyzǵa qysqardy. Osy ýaqyt ishinde bul el halyqaralyq nesıeler túrinde 200 mlrd. eýrodan astam qarjy aldy.
Qarjy mınıstrliginiń málimeti boıynsha Grekııa ekonomıkany qutqarý úshin qosymsha taǵy 10 mlrd. eýro suraýy múmkin. Alaıda el bıligi shyǵystardy qysqartý saıasatyn budan ary qaraı kúsheıtpeıtinin alǵa tartýda.
