Grekııa órttiń kesirinen demalysy úzilgen týrısterge Rodosta tegin demalýdy usynady
BAKÝ. QazAqparat – Grekııa orman órti kesirinen araldaǵy demalysyn úzýge májbúr bolǵan týrısterge Rodosta tegin demalý múmkindigin usynady. Bul chehııalyq týrısterge de qatysty bolmaq, dep habarlaıdy QazAqparat «Azertadj» agenttigine silteme jasap.
«Grekııa úkimeti jergilikti bılikpen kelise otyryp, orman órtiniń kesirinen demalysy úzilgenderdiń barlyǵyna keler jyldyń kóktemi men kúzinde Rodosta bir apta tegin demalýdy usynady. Bul olardyń aralǵa oralyp, onyń sulýlyǵyn tamashalaýǵa múmkindik beredi», - dep málimdedi Grekııa premer-mınıstri Kırıakos Mıtsotakıs Ekathimerini gazetine bergen suhbatynda.
Premer-mınıstrdiń aıtýynsha, órt 50 sharshy km jýyq jerdi sharpyǵan. Bul Rodos aýmaǵynyń 5 paıyzy deýge bolady.
«Araldyń qalǵan bóligine zaqym kelgen joq», - dedi ol.
Alaıda, el bıliginiń málim etýinshe, 200 sharshy shaqyrym jer janyp ketken.
Ekathimerini aqparaty boıynsha, meteorologter tamyz boıy aýa temperatýrasy ortashadan joǵary bolady dep boljaıdy.
Eske salsaq, órtke baılanysty Rodos aralynan myńdaǵan týrıst evakýatsııalanyp, qaýiptiń «qyzyl kody» jarııalanǵan.
