Grekııa ormandaryndaǵy alapat órt: Qaza bolǵandar sany 70-ten asty
AFINY. QazAqparat - Grekııada bir kúnde birneshe jerden tutanǵan orman órtteri dúısenbiden bastap laýlap jatyr, dep habarlaıdy QazAqparat TASS agenttigine silteme jasap.
Afınynyń Makedonııalyq jańalyqtar agentti seısenbi kúni habarlaǵandaı, órt saldarynan ajal qushqandar sany 74 adamǵa jetti. Taǵy 187 adam, sonyń ishinde 23 bala zardap shekti.
Grekııa úkimeti alapat orman órtinen zardap shekkenderge kómek kórsetý úshin 20 mln eýro bóletin boldy. Bul týraly 24 shilde kúni atalmysh tótenshe jaǵdaıǵa arnalǵan úkimet otyrysynyń nátıjesi boıynsha Mınıstrler kabınetiniń resmı ókili Dımıtrıs Tzanakopýlos málim etti.
Tzanakopýlostyń sózinshe, 20 mln eýro órtterden zardap shekken mýnıtsıpalıtetter men olardyń turǵyndarynyń qajettiligin óteý úshin Іshki ister mınıstrliginiń esep-shotyna laqtyrylatyn bolady.
«Bul shotqa qarajattar memlekettik qurylymdardan jáne jekemenshik tulǵalardan túsetin bolady. Sebebi el ishinde de jáne shetelde de tilektestik bildirýshiler óte kóp», - dedi resmı ókil.
Ol sondaı-aq úkimettegi keńes barysynda zardap shekken aýdandardy tıimdi qorǵaý úshin polıtseılerdiń, órt sóndirýshiler men áskerılerdiń qatysýymen 19 birlesken patrýl qurý sheshimi qabyldanǵanyn atap ótti.
Buǵan deıin Grekııanyń premer-mınıstri Aleksıs Tsıpras elde ulttyq aza tutý kúnin jarııalaǵan bolatyn. «Búgin Grekııada qaraly kún. Qaza bolǵandardyń rýhyna oraı úshkúndik ulttyq aza tutý kúnin jarııalamıyz», - dedi ol.
Grekııada shilde aıynyń basynan beri aýa raıy ystyq bolyp tur. Termometr 38-40 gradýsty kórsetýde. Dúısenbi kúni Afınynyń aınalasynda birden birneshe ot tutandy - Kınet qalasynyń aýmaǵynda, Afınydan batysqa qaraı 50 shaqyrym jerde, Shyǵys Attıkada jáne Kalamkos qalasynyń aýmaǵynda. Sondaı-aq iri orman órtteri Grekııanyń ózge de aýmaqtarynda tirkeldi.
