Grekııa ókimeti 40 elsiz araldy jalǵa bermekshi
ASTANA. 13 qyrkúıek. QazAqparat - Grektiń jekeshelendirý agenttiginiń atqarýshy dırektory Andreas Taprantsıs agenttik qazirdiń ózinde 40 elsiz araldy jalǵa usynýǵa ázirlengenin málim etti, dep habarlady IA FWNews.
Týrızm úshin belgili bir yqylas týǵyzǵan bul araldar 30 jyldan 50 jylǵa deıin kez kelgen merzimge jalǵa berilýi múmkin. Alty myń grek araldarynyń 562-si tekserildi.. Sheneýniktiń aıtýynsha, qurlyqqa taıaý ornalasqan araldar anyqtaldy. Bul araldardy jalǵa berý ulttyq qaýipsizdikke nuqsan keltirmeıdi. Alaıda Taprantsıs elsiz araldarda qandaı ınfraqurylymdar bar ekendigin ashyp aıtpady. Onyń aıtýynsha, tizimdegi araldardyń kólemi 500 sharshy metrden úsh sharshy kılometrge deıin jetedi. Degenmen araldardy jalǵa berý úshin aldymen tıisti zań qabyldanýy tıis.
Buǵan deıin BAQ-ta araldardyń satylatyny týraly habarlar jıilep ketken bolatyn.
