Grekııa men Qazaqstannyń arasyndaǵy tamasha qarym-qatynastardyń halyqtar ıgiligi úshin nyǵaıa túsetindigine senemin - G.Papandreý
ASTANA. 11 sáýir. QazAqparat - Grekııa Respýblıkasynyń Premer-Mınıstri Georgıos Papandreý Memleket basshysy Nursultan Nazarbaevty prezıdenttik saılaýdaǵy jeńisimen quttyqtap jedelhat joldady,
dep habarlaıdy Prezıdenttiń baspasóz qyzmetinen.
Jedelhat mátininde bylaı delingen:
Qurmetti Prezıdent myrza,
Grekııa Úkimetiniń jáne jeke ózimniń atymnan Sizge, Qazaqstan Respýblıkasynyń Prezıdenti bolyp qaıta saılanýyńyzǵa oraı, shynaıy quttyqtaýymdy jetkizgim keledi.
Sizdiń osy qyzmettegi jańa merzimińizde, elderimizdiń arasyndaǵy yntymaqtastyqty tereńdetý maqsatynda birge tyǵyz jumys isteý múmkindigine ıe bolamyz degen senimdemin. Grekııa men Qazaqstannyń arasyndaǵy tamasha qarym-qatynastardyń halyqtar ıgiligi úshin nyǵaıa túsetindigine senemin.
Grekııa Respýblıkasynyń Premer-Mınıstri Georgıos Papandreý».
