Grekııa halyqqa qarjylyq jeńildikter týraly jarııalady

ASTANA. KAZINFORM — Bıyldan bastap Grekııada páter jaldaýshylarǵa ár qarasha aıynda bir aılyq jaldaý aqysy qaıtarylady, dep habarlaıdy euronews 

Al qarttar, múgedekter jáne saqtandyrylmaǵan azamattarǵa qarashanyń sońynda jylyna 250 eýrodan tólenetin bolady

Eýrostat málimetinshe, 2024 jyly EO-ǵa múshe 27 eldiń altaýy ǵana oń balanspen maqtana alady. Gretsııanyń jalpy ishki ónimniń 1,3% profıtsıti EO-nyń jalpy tapshylyǵynyń 3,2%-ymen salystyrǵanda shamamen on jyl buryn EO jáne halyqaralyq qarjy naryqtaryn dúr silkindirgen qaryz daǵdarysyna qatty batqan el úshin qarjylyq kórsetkishterdiń aıtarlyqtaı jaqsarýy boldy.

— Bul tsıfrlar «ulttyq ekonomıkalyq kórsetkishterdiń aıtarlyqtaı artýyn jáne memlekettik qazynadaǵy profıtsıtti kórsetedi». Bul barlyǵynyń kómegimen biz kútkennen de kóp nársege qol jetkizdik degendi bildiredi», — dep málimdedi premer-mınıstr Kırıakos Mıtsotakıs teledıdar arqyly halyqqa arnaǵan úndeýinde.

Mıtsotakıstiń sózinshe, salyq tóleýden jaltarýmen kúres óz nátıjesin kórsetti.

— Dınamıkalyq ósim, sondaı-aq salyq tóleýden jaltarýmen kúres jáne basqa da birqatar reformalyq shara bizdiń maqsattarymyzdan asyp túsetin qosymsha kirister ákeldi. Sondyqtan qatań eýropalyq fıskaldyq erejelerge qaramastan olardyń edáýir bóligin endi azamattarǵa qaıtarýǵa bolady, — dedi ol. 

Buǵan deıin Grekııa parlamenti bılik basyndaǵy «Jańa demokratııa» konservatıvtik partııasynyń kandıdaty, parlamenttiń burynǵy spıkeri Konstantınos Tasýlasty prezıdent etip saılaǵanyn jazǵan bolatynbyz.