Grekııa bıýdjeti alty jyldan beri alǵash ret JІÓ ósimin qarastyryp otyr
ASTANA. 8 jeltoqsan. QazAqparat - Grekııalyq parlament músheleri maquldaǵan bıýdjet alty jylǵy retsessııadan keıin alǵash ret ekonomıkanyń birshama ósimin qarastyryp otyr.
Atap aıtqanda 2014 jyly grekııalyq ekonomıkanyń ósimi 0,6 paıyzdy quramaq.
Qabyldanǵan qujattyń jobasy memlekettik shyǵystardy 3 mıllıard eýroǵa kezekti qysqartýdy qarastyrady.
Alaıda, qabyldanǵan bıýdjet, ázirge halyqaralyq kredıtorlar úshtigimen, ıaǵnı Eýrokomıssııa, Eýropalyq ortalyq bankpen jáne Halyqaralyq valıýta qorymen maquldanǵan joq.
Atalǵan úshtik qarjy tapshylyǵy aldaǵy jyly da jalǵasýy múmkin ekenin, bul óz kezeginde budan da qatań únemdeý sharalaryn qajet etedi degendi alǵa tartýda. Biraq úkimettiń paıymynsha, memleket odan ary qaraı qatań sharalardy eńsere almaıdy.
Kredıtorlarmen aradaǵy kelispeýshilik saldarynan Grekııa birneshe aıdan beri 1 mıllıard eýro kólemindegi úlesti jańa nesıege qol jetkize almaı otyr.
