Grekııa áýejaılary narazylyq sharasy saldarynan 7 sáýirde jabyq bolady
ASTANA. QazAqparat - Grekııada 7 sáýirde ushaqtar ushpaıdy - azamattyq avıatsııa qyzmetkerleri 24 saǵattyq narazylyq sharasyn jarııalady. Grekııa áýejaılary jumys istemeıdi, Aegean Airlines jáne Olympic Air grekııalyq áýe kompanııalary ondaǵan reısti ushyrmaıtyn boldy, dep habarlady RIA Novostı.
Azamattyq avıatsııa qyzmetkerleriniń federatsııasy (OSYPA) memlekettik sektordaǵy ADEDY kásibı odaqtarynyń «áleýmettik qamtý júıesin joıýǵa qatysty» narazylyǵyna qosyldy.
Azamattyq avıatsııa qyzmetkerleri taǵy bir talap qoıdy - Grekııalyq memlekettik áýejaılardy jappaı satýǵa jol joq, delingen federatsııa málimdemesinde. Grekııa bıligi 14 áýejaıdy satyp jatyr. Olardy nemis kompanııalary satyp almaq.
Avıadıspetcherlerdiń jáne azamattyq avıatsııa qyzmetkerleriniń narazylyq sharasy 7 sáýirde saǵat 00:01-de bastalyp, túnge deıin jalǵasady.
