Grekııa aralyndaǵy sý tasqynynan 2 adam kóz jumdy
KRIT. QazAqparat - Grekııanyń Krıt aralyndaǵy daýyl men tolassyz jaýǵan jańbyr saldarynan joıqyn sý tasqyny boldy, dep habarlaıdy QazAqparat tilshisi.
Jergilikti bıliktiń málimetinshe, 2 adam qaza taýyp, taǵy birneshe adam iz-túzsiz joǵalǵan. Qutqarýshylar 49 jastaǵy áıel men 50 jastaǵy er adamnyń máıitin tapty. Olardy óz kóligimen sý aǵyndary teńizge alyp ketken.
Agıa-Pelagııa men kórshiles Lıgarııa qalasynda iz-tússiz joǵalǵandar sany áli de artýy múmkin. Órt sóndirýshilerdiń aıtýynsha, toǵyz kólik sýǵa aǵyp ketken. Buǵan deıin olar ashyq teńizde bolǵan kólikten bir áıeldi qutqarǵan bolatyn. Dál osy ýaqytta Lasıtı aımaǵynyń shyǵys aımaqtyq bólimshesiniń Sıtııa qalasynda 8 týrıst pen 1 kúzetshi jergilikti arheologııalyq murajaıda, taǵy 4 adam eki kólikte qalyp qoıdy. Grekııanyń jaǵalaý kúzeti men Apatty joıý arnaıy bólimshesiniń músheleri joǵalǵan adamdardy izdeýdi jalǵastyrýda. Jeldiń 7-8 baldyq kúshine baılanysty izdestirý-qutqarý jumystaryn júrgizý qıynǵa soǵýda.
Jergilikti bılik turǵyndarǵa úıden shyqpaýǵa keńes berýde. Iraklıon aralynyń halyqaralyq áýejaıy jabylyp qaldy.
Foto: aljazeera.com
