Grekııa araldaryndaǵy krýızdik sapardyń baǵasy ósti
Bılik bul qarjy týrızm men ınfraqurylymdy damytýǵa jumsalady dep túsindirdi. Sebebi ol qonaqúılerdi ornalastyrý salyǵymen jumys isteıdi.
Salyq mindetti sanalady jáne jasyna qaramastan barlyq krýızdik qonaqqa grek portyndaǵy ár kún úshin qoldanylady. Salyqty bılik organdaryna krýızdik kompanııalar tóleıtin bolady. Olar óz kezeginde árbir jolaýshydan salyq jınaıdy.
Eger krýızdik kompanııa jınaqty tólemese, port ákimshiligi krýızdik kemeni Grek araldaryna odan ári shaqyrýǵa jáne týrısterdi túsirýge tyıym salýǵa quqyly.
Egeı teńizindegi Grekııanyń Santorını jáne Mıkonos araldary týrıstik baǵyttaǵy tanymal oryndardyń biri sanalady. Munda jergilikti turǵyndar sany az bolǵandyqtan, bul araldarǵa jyl saıyn júzdegen myń týrıst keledi.
Eske sala keteıik, buǵan deıin Ispanııadaǵy Barselona qalasynyń bıligi men jergilikti porttyń basshylyǵy 2030 jyly krýızdik termınaldar sanyn 7-den 5-ke deıin qysqartý týraly sheshim qabyldaǵanyn jazǵan edik.