Grekııa A/H1N1tumaýyna qarsy vaktsınadan bas tartty
ASTANA. Qańtardyń 19-y. QazAqparat - Grekııa qajet bolmaı qalǵandyqtan, tapsyrys berilgen A/H1N1 tumaýyna qarsy vaktsınanyń 8 mıllıon dozasynan bas tartty,
dep habarlady dúısenbi kúni jergilikti telearnalardyń efırinde eldiń densaýlyq saqtaý mınıstri Marılıza Ksenoıannakopýlý hanym. Bul týraly «RIA «Novostı» habarlady.
«Memleket osy ýaqytqa deıin satyp alǵan vaktsınalardyń da aqysyn tóleıdi», dedi mınıstr óz sózinde.
Densaýlyq mınıstri sondaı-aq GlaxoSmithKline, Novartis jáne Sanofis kompanııalarynan áli jetkizilmegen vaktsına dozalary úshin tólenip qoıylǵan aqyny qaıtarýdy talap etti.
Grekııa buǵan deıin jalpy quny 25 mıllıon eýronyń 3,6 mıllıon vaktsına dozasyn alǵan bolatyn. Bastapqyda el barlyq 11 mıllıon halyqqa vaktsınaǵa tapsyrys bergen edi.
Biraq grekter, onyń ishinde medıtsına qyzmetkerleri de bar, vaktsına qabyldaýǵa asyǵa qoımaǵan: tek 360 adam ǵana jańa vırýsqa qarsy óz erikterimen egilgen. Vedomstvo vaktsınanyń bir bóligin kelesi jyly da qoldanýdy paıymdap otyr, sebebi olardyń paıdalanylý merzimi 2011 jyly bitedi.
Qazirgi ýaqytqa deıin Grekııada A/H1N1 tumaýynan 96 adam qaıtys bolǵan.
