Grek zeınetkeriniń aıanyshty taǵdyryn ǵalamtordan kórgen avstralııalyq bıznesmen kómektesýge bel býdy
ASTANA. QazAqparat - Avstralııalyq bıznesmen grek zeınetkeriniń aıanyshty taǵdyry jaıly túsirilgen sýretti ǵalamtordan kórip, oǵan kómektesýge bel býdy.
Qarııa grek bankiniń mańynda zeınetaqysyn shotynan ala almaǵandyqtan jylap otyrǵan. Foto eldegi daǵdarys azamattarǵa qalaı áser etkenin kórsetedi. Ony FrancePresse agenttiginiń sýretshisi túsirgen. Álemniń túkpir-túkpirine sharlap ketken fotony avstralııalyq Djeıms Kýfos ta kórgen.
«Men grekterge qalaı kómektesý kerektigin oılastyrdym. Birneshe amaldy oılap taptyq. Birinshiden, meniń jeke qarajatymdy jáne kompanııa qarjysyn paıdalanýǵa bolady. Ekinshiden, áleýmettik paıdalanýshylardyń kómegine júgindik. Olar da qarap qalmady. Adamdardy ashtyqtan saqtap, olardyń baspanasy bolýy úshin qolymyzdan kelgenin jasaǵymyz keledi. Grekııaǵa arnaıy baryp aqsha tapsyrýdy oılastyrýdamyz», - dedi túbi grekııalyq kásipker Djeıms Kýfos.
