Grek-rımshilerge Álem chempıonatynan jalǵyz medal buıyrdy
ASTANA. QazAqparat - Polshanyń Bydgoş qalasynda ótip jatqan kúres túrlerinen jastar arasyndaǵy (U-23) álem chempıonatynda grek-rımshi Aıdos Sultanǵalı «qola» ıelendi, dep habarlaıdy QazAqparat Sports.kz saıtyna silteme jasap.
Aıdos grek-rım kúresinen qazaqstandyq balýandar arasynda júldege ilikken jalǵyz sportshy boldy. 59 salmaq dárejesinde óner kórsetken ol qola medal úshin kúreste bolgarııalyq Avgýstın Boıanov-Spasovty jeńdi.
Chempıonat 26 qarashaǵa deıin jalǵasady. Beısenbi kúni áıelder arasyndaǵy básekeler ótse. Juma kúni erkin kúres sheberleri baq talastyrady.
Aıta keteıik, bıyl tuńǵysh ret jalaýyn jelbiretken dúnıejúzilik jarysqa qazaq eliniń namysyn qorǵaýǵa barlyǵy 24 balýan attanǵan bolatyn.
Erkin kúres
57 keli: Jandos Ysmaıylov; 61 keli: Qýat Ámirtaev; 65 keli: Madııar Burhan; 70 keli: Zýlfıkar Maxamatov; 74 keli: Erkebulan Tileý; 86 keli: Azamat Dáýletbekov; 97 keli: Baqdaýlet Álmentaı;125 keli: Júsip Batyrmyrzaev
Áıelder kúresi
48 keli: Irına Borısova; 53 keli: Aıgúl Nurálim; 55 keli: Marına Sedneva; 58 keli: Nazıra Amanjolova; 60 keli: Aıaýlym Qasymova; 63 keli: Zarına Qunanǵaraeva; 69 keli: Jamılá Baqbergenova; 75 keli: Gúlmaral Erkebaeva.
Grek-rım kúresi
59 keli: Aıdos Sultanǵalı; 66 keli: Abylaıhan Ámzeev; 71 keli: Aıbek Qýanyshev; 75 keli: Mıras Barshylyqov; 80 keli: Sultanbek Shalabaev; 85 keli: Hýseın Mýtsolgov; 96 keli: Baqtııar Jylysbaev; 120 keli: Mansur Shadýkaev;
