Grek-rım jáne áıelder kúresinen álem chempıonatyna kimder barady
ASTANA. QazAqparat - Serbııada ótetin kúres kúrlerinen álem chempıonatynda grek-rım jáne áıelder kúresinen el namysyn qorǵaıtyn qazaqstandyq balýandar anyqtaldy, dep habarlaıdy QazAqparat tilshisi.
Álem chempıonaty 16-24 qyrkúıek aralyǵynda Serbııada ótedi. Ulttyq qurama bapkeri ıÝrıı Melnıchenko 2024 jylǵy Parıj olımpıadasyna joldama beriletin dúbirli dodaǵa baratyn balýandardyń tizimin jarııalady.
Olardyń arasynda budan buryn álem chempıonatynda 2011 jyly kúmis, 2010, 2015, 2019, 2021 jyldarda qola medal alǵan Almat Kebispaev (67 keli) syndy tájirıbeli balýandar bar.
Ózge salmaqtarda Marlan Muqashev (55 keli), Oljas Sultan (60 keli), Mamyrbek Muhamedálı (63 keli), Ibragım Magomadov (72 keli), Demeý Jadraev (77 keli), Nursultan Tursynov (87 keli), Oljas Syrlybaı (97 keli), Álimhan Syzdyqov (130 keli) el namysyn qorǵaıdy.
Al áıelder kúresinen el quramasynyń bas bapkeri Qaırat Saǵadıev Serbııaǵa tómendegi shákirtterin alyp barady. Olardyń qatarynda Maral Táńibergenova (50 keli), Altyn Shaǵaeva (53 keli), Marına Sedneva (55 keli), Aınur Áshimova (57 keli), Dıana Kaıýmova (59 keli), Irına Knetsova (62 keli), Elena Shalygına (68 keli), Jámıla Baqbergenova (72 keli) jáne Іnqar Janataeva (76 keli) syndy sportshylar bar.
Eske salsaq, budan buryn lıtsenzııalyq álem chempıonatyna qatysatyn qazaqstandyq erkin kúres sheberleri anyqtaldy.
