Grek-rım kúresinen Azııa chempıonatynda qazaqstandyq jastar 3 altyn aldy

ASTANA. KAZINFORM - Vetnamnyń Výngtaý qalasynda kúres túrlerinen 17-23 jas sanatyndaǵy balýandar arasynda Azııa chempıonatynyń alǵashqy jarys kúni ótti.

18 maýsymda grek-rım kúresinen 7 salmaqta úzdikter belgili boldy. Olardyń arasynda 23 jasqa deıingi ulttyq qurama músheleri 3 altyn, 2 kúmis, 1 qola júldege qol jetkizdi. 

El quramasynan Ishar Qurbaev (60 keli), Baǵdat Sabaz (67 keli), Aqjan Yqylasov (77 keli) chempıon atansa, ıÝsýf Matsıev (97 keli), Djohar Ýzarov (130 keli) kúmis, Dıas Qaltaı (82 keli) qola júldege qol sozdy.

Búgin, 19 maýsymda el quramasynan Erasyl Mamyrbekov (55 keli), Ondasyn Hamıtov (63 keli), Serǵazy Ábdiqadyr (72 keli), Maqsat Saılaý (87 keli) júldelerdi sarapqa salady.

Eske salsaq, qazaqstandyq tóreshiler kúres túrlerinen álem chempıonatynda qyzmet atqarady.