Grek-rım kúresinen Azııa chempıonaty: Islam Evloev qola júldege qol jetkizdi
ASTANA. KAZINFORM –
Grek-rım kúresinen Qazaqstan quramasynyń sportshysy Islam Evloev Qyrǵyzstannyń Bishkek qalasynda uıymdastyrylyp jatqan Azııa chempıonatynda júldeli oryn aldy.
97 kelige deıingi salmaqta synǵa túsken Evloev úshinshi orynǵa turaqtady.
Qola júlde úshin ótken kezdesýde ol Ońtústik Koreıa sportshysy Mınho Lıdi merziminen buryn jeńdi. Bastapqy kezeńnen bastap Evloev birneshe nátıjeli ádisti oryndap, basymdyq tanytty. Osy nátıjemen Islam Evloev Azııa chempıonatynyń qola júldegeri atandy.
Aıta keteıik, buǵan deıin 72 kelige deıingi salmaqta synǵa túsken Almatbek Amanbek altyn medal ıelengen. Sondaı-aq 82 kelige deıingi salmaqta Ibragım Magomadov pen 87 kelige deıingi salmaqta Nursultan Tursynov qola júldege qol jetkizdi.
