Grek-rım kúresinen álem chempıonatynyń jerebesi tartyldy
ASTANA. KAZINFORM — Astanada 24 qazan men 1 qarasha aralyǵynda ótetin álem chempıonaty qarsańynda grek-rım kúresinen jerebe tartý rásimi ótti.
Jerebe qorytyndysy boıynsha Qazaqstan namysyn qorǵaıtyn 10 balýannyń alǵashqy qarsylastary anyqtaldy. Olardyń úsheýi jarysty birden 1/8 fınaldan bastaıdy.
Jerebe nátıjesi:
55 keli — Ishar Kýrbaev — Kagetora Okamoto (Japonııa);
60 keli — Aıdos Sultanǵalı — 1/8 fınaldan bastaıdy;
63 keli — Meırambek Aınaǵulov — Maksım Lıý (Ýkraına);
67 keli — Baǵdat Sabaz — Razzaq Beıshekeev (Qyrǵyzstan);
72 keli — Almatbek Amanbek — 1/8 fınaldan bastaıdy;
77 keli — Mereı Máýlitqanov — Hen Chjın Kan (Ońtústik Koreıa);
82 keli — Ibragım Magomadov — Lýka Darıotstsı (Italııa);
87 keli — Nursultan Tursynov — Djafar Han (Qatar);
97 keli — Islam Evloev — Mohamed Gabar (Mysyr);
130 keli — Oljas Syrlybaı — 1/8 fınaldan bastaıdy.
Sondaı-aq álem chempıonatynda áıelder men erkin kúresten júldeler sarapqa salynady.
Eske salsaq, Nenad Lalovıch (Serbııa) Birikken kúres álemi (UWW) uıymynyń prezıdenti qyzmetine qaıta saılandy.
