Grek-rım kúresinen álem chempıonaty: Aıdos Sultanǵalı altyn medal úshin kúresedi
ASTANA. KAZINFORM – Grek-rım kúresinen Qazaqstan quramasynyń ókili Aıdos Sultanǵalı Zagrebte (Horvatııa) ótip jatqan álem chempıonatynda altyn medal úshin kúresedi.
QR UOK málimetinshe, 60 kelige deıingi salmaqtyń jartylaı fınalynda Amıran Shavadzemen (Grýzııa) kezdesti.
Sultanǵalı beldesý barysynda 1:2 esebimen utylyp jatqan edi. Degenmen beldesýdiń sońyna qaraı eki tıimdi ádis qoldanyp, aıqyn basymdyqpen jeńiske jetti. Qorytyndy esep: 8:2.
Aıta keteıik, grek-rım kúresinen Qazaqstan quramasynyń ókili Aıdos Sultanǵalı Zagrebte (Horvatııa) ótip jatqan álem birinshiliginiń shırek fınalynda jeńiske jetken edi.
Mereı Máýletqanov grek-rım kúresinen álem chempıonatynyń jartylaı fınalyna shyqty.
Grek-rım kúresinen Qazaqstan quramasynyń ókili Demeý Jadyraev Zagrebte (Horvatııa) ótip jatqan álem chempıonatynyń jubanysh beldesýinde jeńiske jetti.
Olımpıada oıyndarynyń kúmis júldegeri 77 kelige deıingi salmaqta qola medal úshin kúresedi.
